الفخار مش بيتحمل النار المباشرة ولازم تستخدمي معاه شياطة ده غير 6 حاجات تانية هتعرفيها في المقال ده ولازم تخلي بالك منها وانت بتستخدمي الفخار على النار.
لو عايزة تغسلي الفخار قبل التعتيق فإغسليه بماية وبس وبلاش أي سوائل تنضيف ويفضل لو تغسليه قبلها بفترة وتسبيه يجف.
لو غسلتيه بمادة صابونية المادة دي هتدخل جوة مسامه وهتخليه يتكسر او يتشرخ مع الإستخدام ده غير ان المواد اللي في سائل غسل الصحون هتتفاعل مع الأكل.
وبعد التعتيق ممكن تغسليه ببيكربونات صوديوم وماية دافية وفرشة او الناحية الخشنة من السفنجة (بس مش سلك).
الفخار لازم يتعتق كويس قبل ما يتحط على البوتجاز لأن مسامه بتكون مفتوحة ولاز تتقفل وإلا هيتكسر أو يفرقع.
لو اشتريتي اواني الفخار الصحية من بوتريفال هيجيلك معاها افضل طريقة لتعتيق الفخار واللي وصلنا ليها بعد ما جربنا كل الطرق الموجودة.
الفخار مينفعش يتحط على عين البوتجاز مباشرة ولازم تستخدمي تحته شياطة ولازم تتأكدي ان النار مش خارجة من الشياطة وواصلة للفخار وإلا هيتحرق وهيتكسر أو يطق.
ويفضل لو خليتي النار في الأول واطية وبعد كدة عليتها تدريجيا.
وعموما مش هتحتاجي اكتر من نار متوسطة علشان تسوي الأكل في الفخار لأنه بيوزع الحرارة كويس.
لو هتستخدمي غطاء الفخار والغطاء مفيهوش اخرام لازم متقفليهوش كله لأنه بيبقى تقيل فبيخلي الفخار عامل زي حلة الضغط من غير منفس فممكن من كتر الضغط الفخار ينفجر او يطق أو يتكسر.
الفخار مش بيستحمل تغير درجة الحرارة المفاجيء ودي قاعدة عامة لازم تخلي بالك منها لأن اي تغير مفاجيء في درجة الحرارة هيخليه يتكسر.
علشان كدة مينفعش تستخدمي ماية سخنة مولعة من السخان او الكتل مع الفخار وهو بارد. لو حابة ممكن تستخدمي ماية دافية.
دي تعتبر عكس النقطة اللي فوق وبينطبق عليها قاعدة تغير الحرارة المفاجيء اللي قلنا عليها بس ناس كتير مش بتاخد بالها منها فلازم لو هستخدمي ماية فاترة أو باردة مع الفخار ميكونش سخن ومينفعش تحطيه وهو سخن على سطح بارد زي الرخامة أو السيراميك أو مكان مبلول مثلا ومينفعش تحطيه على النار مباشرة وهو بارد أو مبلول من برة.
لو بتدوري على اواني الفخار الـOrganic والمصنوعة من مواد طبيعية 100%، أواني بوتريفال – Potteryfal الفخارية هي افضل الاوانى للطهى الصحى.
هتحافظ على صحتك وصحة عيلتك وبتضمنلك احسن تسوية وتوزيع للحرارة وبتحافظ على القيمة الغذائية للأكل ومفيهاش اي مواد ضارة. وكمان ضمان استبدال 8 شهور حتى ضد الكسر!
هتلاقي منتجاتنا من أواني فخارية للبيع هنا:
اواني فخار
