تحذير متغسليش الفخار بسائل غسيل الصحون (ءأمن طريقة لغسل الفخار)

في ناس فاكرة انها ينفع تغسل الأواني الفخار بسائل غسيل المواعين لكن ده مش صح في المقال ده هتعرفي كل اللي محتاجة تعرفيه عن غسيل الفخار.

هل الفخار بيدخل غسالة الصحون؟

لا مينفعش تغسلي الفخار في غسالة الأطباق ولازم يتغسل بالإيد. لأن الفخار حركة غسالة الأطباق ومسحوق غسالة الأطباق شديد على الفخار وغالبا هيبوظه لو مش من أول مرة فبعد اكتر من مرة هيبوظ.

كيفية غسل الفخار (قبل التعتيق)

طريقة غسل الفخار الجديد: قبل التعتيق الفخار مينفعش يتغسل غير بماية وبس. يعني تغسليه بمايه علشان تنزلي التراب اللي عليه مش اكتر ويستحسن تسيبيه ينشف قبل ما تعتقيه.

طريقة غسل الفخار (بعد التعتيق)

القاعدة الأهم وانت بتغسلي الفخار انك تتعاملي معاه على انه كائن رقيق (زيك كدة).

1. بعد ماتسخدمي الفخار في الفرن أو على النار سيبيه يبرد تماما ومتحطيهوش على سطح بارد أو مبلول (اهم 9 اسرار علشان تحافظي على الفخار حتى لو متعرفيش تسخدميه ازاي).
   
2. انقعي الفخار في ماية دافية (مش سخنة أو بتغلي) لمدة من 5 دقايق لـ ربع ساعة علشان تسهلي خروج (او تدوبي) اي بقايا اكل.
   
3. بعدها لو لسة في بقايا اكل ممكن تستخدمي ماية سخنة (بس بعد ماتكون نقعتيه في ماية دافية علشان يسخن شوية) وسفنجة او فرشة تنظيف الصحون علشان تشيلي بواقي الأكل العنيدة (متستخدميش سلك) ومتستخدميش سائل تنظيف صحون.
   
4. لو عاملة اكل ممكن يسيب روايح أو ليه ريحة ممكن تملي الإناء بماية دافية وتضيفي معلقتين كبار بيكنج صودا أو 4 معالق كبار بيكنج باودر وتسبيه منقوع على الأقل 15 دقيقة وكل ما كان الأكل ريحته اقوى سبيه اكتر.
   
5. لو حابة تنظفي الإناء تنظيف عميق ممكن تنقعيه كله في الماية وتحطي 3 معالق كبار بيكنج صودا أو 6 معالق كبار بيكينج باودر وتسبيه لتاني يوم.
   
6. ولو عايزة تستخدمي بديل لسائل تظيف الصحون ممكن تستخدمي الملح وتغسلي بيه الإناء بإستخدام الجزء الخشن من سفنجة غسيل المواعين أو فرشة تنظيف الصحون.
   
7. وممكن كمان تغلي فيه ماية لمدة نص ساعة على النار علشان تشيلي اي بواقي.

اهم حاجة متفكريش تستخدمي سائل تنظيف المواعين مع الفخار ابداً لأنه:

أولا: هيبوظه ومش هتعرفي تستخدميه تاني

ثانيا: وده الأهم سائل تنظيف الصحون هيدخل في مسام الفخار وهيخرج تاني في الأكل وانت بتطبخيه.

أفضل أواني الطهي الصحية

لو بتدوري على اواني الفخار الصحية بوتريفال بتقدملك أواني صحية 100% هتحافظ على صحتك وصحتك عيلتك وكمان معاها ضمان استبدال 244 يوم حتى ضد الكسر!

ادخلي هنا وهتلاقي اوانى فخار صحية للطهى