في المقال ده هتعرفي اهم 9 اسرار لما تعمليهم اواني الفخار هتعيش معاكي فترة طويلة سواء كانت بتدخل الفرن او بتطبخي بيها على النار حتى لو دي أول مرة ليكي تتعاملي فيها مع الفخار.
مينفعش تستخدمي الفخار أول ماتجبيه من غير ماتعتقيه وخصوصا لو فخار صحي لأنه بيكون طبيعي 100% ومسامه مفتوحة ولازم تتقفل لو اشتريتي أواني الفخار الصحية من بوتريفال هيجيلك معاها طريقة تعتيق متميزة موفرنها مخصوص لعملاءنا.
لو غسلتي الفخار بصابون مواعين قبل ما تعتقيه الصابون هيدخل في مسامه وبعد ما يتعتق هيفضل جواه ولما تدخليه الفرن او تستخدميه على النار الفراغات اللي جواه هتخليه يتكسر بسهولة وميستحملش الحرارة ده غير انه ممكن يخرج الصابون ده في الأكل. ويفضل تغسليه ببيكانج باودر أو بيكربونات صوديوم بعد التعتيق.
لازم لازم لو هتستخدمي الفخار على عين البوتجاز انك تحطي شياطة تحتيه ولازم تتأكدي تماما ان النار مساحتها مش اكبر من مساحة الشياطة لأن تعريض الفخار مباشرة على النار بيخليه يتشرخ ويتكسر ويبهدل الدنيا.
الفخار عامل زي الزجاج لو عرضتيه لنار عالية مرة واحدة (حتى لو فيه شياطة) مش هيلحق يسخن تدريجيا وهيطق أو يتشرخ او يتكسر منك علشان كدة يفضل انك تبدأ بحرارة منخفضة وبعد كدة متوسطة ويفضل متستخدميش حرارة عالية. وانت عموما مش هتحتاجيها لأن الفخار بيكون بيسخن كويس وبيوزع الحرارة في خلال 5 دقايق.
غطاء الفخار بيكون تقيل ومحكم فبيبقى عامل زي حلة الضغط بس مش بيكون فيه منفس للبخار يطلع علشان كدة لو قفلتي الغطاء كامل ممكن من الضغط الفخار يتكسر او يفرقع فعلشان كدة لازم متقفليش الغطاء تمام وتسيبي منفس للبخار يخرج.
التغير المفاجيء لدرجة الحرارة بيخلي الفخار يتشرخ أو يتكسر علشان كدة لازم تستني تماما لحد ما الفخار يبرد وبعد كدة تطلعيه وتحطيه على رخامة او سراميك او مكان مبلول علشان ميحصلهوش تغير مفاجيء في درجة الحرارة ويتشرخ أو يتكسر.
لو هتدخلي الفخار الفرن لازم يكون مطفي ومش سخن علشان زي ماقلنا التغير المفاجيء في درجة الحرارة ممكن يخلي الغخار يتكسر او يتشرخ فلما تدخليه الفرن وهو مطفي الفخار هيسخن تدريجيا مع سخونية الفرن ومش هيتأثر.
بنفس الطريقة متستخدميش ماية سخنة من السخان مع الفخار وهو بارد علشان لأن ده ممكن يعمل تغير مفاجيء في درجة حرارته وغالبا هيخليه يتشرخ او يتكسر منك فلو هتسخني فيه ماية لازم المية تكون باردة زي درجة حرارة الفخار او لو هتستخدمي ماية علشان تغسليه وهو بارد خليها تكون باردة.
لأن ده ممكن يشيل طبقة التعتيق ويخلي الفخار يدخل جوة مسامه حاجات لو عايزة تغسليه او تشيلي منه دهون او أكل لازق ممكن تستخدمي خميرة فورية أو باكنج باودر مع خل وتسبيه منقوع لتاني يوم وهتلاقيه بيتغسل بسهولة.
دي تعتبر نقطة متكررة لأنها عكس رقم 8 بس ناس كتير حتى بعد ما بتفهم انها مينفعش تغير درجة حرارة الفخار بصورة مفاجأة بتنسى وبتسخدم ماية من الحنفية مع الفخار وهو سخن أو لسة متشال من على البوتجاز او من الفرن وده مينفعش وممكن يخلي الفخار يطق أو يتشرخ فعلشان كدة لازم لو هتحطي فيه ماية فاترة/باردة وهو لسة سخن تستني لما يبرد.
لو بتدوري على اواني الفخار الـOrganic والمصنوعة من مواد طبيعية 100%، أواني بوتريفال – Potteryfal الفخارية هي افضل الاوانى للطهى الصحى.
هتحافظ على صحتك وصحة عيلتك وبتضمنلك احسن تسوية وتوزيع للحرارة وبتحافظ على القيمة الغذائية للأكل ومفيهاش اي مواد ضارة. وكمان ضمان استبدال 244 يوم حتى ضد الكسر!
هتلاقي منتجاتنا من أواني فخارية للبيع هنا:
اواني فخار
