كل انواع الفخار المصنوع من الطمي بتدخل الفرن بأمان وعلشان تحافظي على الفخار لأطول فترة ممكنة هنعرفك في المقال ده 6 حاجات لو عملتيها الفخار هيعيش معاكي اطول فترة ممكنة.
لازم تعتقي الفخار أول ماتجبيه قبل ما تستخدميه وخصوصا الفخار الصحي علشان بيكون مصنع من طمي 100% والمسام فيه بتكون مفتوحة ولازم تقفليها.
لو اشتريتي فخار طبخ صحي من بوتريفال هيجيلك معاه طريقة تعتيق مبتكرة موفرينها مخصوص لعملاءنا المتميزين.
لو استخدمتي صابون مواعين مع الفخار قبل ما تعتقيه فالصابون هيدخل في مسام الفخار وبعد ما يتعتق هيفضل الصابون جوه ولما يدخل الفرن الفراغات اللي جواه هتخليه هتعمل ضغط عليه وهتخليه يتكسر بسهولة وميستحملش الحرارة.
الفخار لما بيتغطى فبيبقى عامل زي حلة الضغط بس مش بيكون فيه منفس للبخار يطلع وخصوصا لو الغطاء تقيل وبيقفل كويس.
فعلشان كدة لازم متقفليش الغطاء تمام وتسيبي حتة البخار يخرج منها لأنك لو قفلتي الغطاء بالكامل الضغط جوة الفخار هيزيد والفخار هيتكسر او يفرقع .
لازم الفرن يكون مطفي ومش سخن قبل ماتدخلي الفخار جواه وهو بارد علشان التغيير المفاجيء في درجة الحرارة الفخار هيخليه يتشرخ أو يتكسر لكن لما تدخليه الفرن وهو مطفي الفخار هيسخن تدريجيا مع سخونة الفرن ومش هيتأثر بالحرارة فجأة.
بنفس الطريقة متستخدميش ماية سخنة من السخان مع الفخار وهو بارد علشان لأن ده ممكن يعمل تغير مفاجيء في درجة حرارته وغالبا هيخليه يتشرخ او يتكسر منك فلو هتسخني فيه ماية لازم المية تكون باردة زي درجة حرارة الفخار او لو هتستخدمي ماية علشان تغسليه وهو بارد خليها تكون باردة.
لأن ده هيخلي طبقة التعتيق تتشال وممكن الفخار مسامه تتفتح تاني ويدخل جواها فراغات ويتكسر بسبب الفراغات اللي جوة مسامه من الحرارة.
لو عايزة تطلعي من الفخار دهون او أكل لازق تقدري تستخدمي باكنج باودر أو خميرة فورية مع الخل وتنقعيه لمدة يوم وهتلاقي الفخار بيتغسل بسهولة والدهون بتطلع منه.
دي نفس فكرة رقم 4 بس علشان في ناس كتير حتى بعد ما بتفهم ان الفخار مينفعش درجة حرارته تتغير بشكل مفاجيء بينسو وبتسخدمو ماية الحنفية مع الفخار وهو لسة سخن أو لسة طالع من الفرن وده غلط وهيخلي الفخار يتشرخ أو يتكسر فضروري لو هتحطي في الفخار ماية فاترة/باردة وهو لسة سخن تستني لما يبرد تمام.
لو بتدوري على اواني الفخار الـOrganic والمصنوعة من مواد طبيعية 100%، أواني بوتريفال – Potteryfal الفخارية هي افضل الاوانى للطهى الصحى.
هتحافظ على صحتك وصحة عيلتك وبتضمنلك احسن تسوية وتوزيع للحرارة وبتحافظ على القيمة الغذائية للأكل ومفيهاش اي مواد ضارة. وكمان ضمان استبدال 244 يوم حتى ضد الكسر!
هتلاقي منتجاتنا من أواني فخارية للبيع هنا:
اواني فخار
